Dîsan Şewat...Duhî êvarê li nahiyeya Qerehencîrê ya girêdayî Çemçemalê jineka 41 salî li ber çavê xelkê nahiyeyê 5 lître benzîn bi xwe de kir û agir li xwe berda.

Di vê mijarê de rêvebirê polîsê nahiyeya Qerehencîrê Osman Ebdulla ji malpera me re got: “Piştî ku binkeya poîs ji bûyerê hate agahdarkirin, em gihêştin cihê bûyerê, me dît agir ji laşê jinekê bilind dibe. Piştî tefandina agir, jinik ji binkeya tenduristiyê ya nahiyeyê re hate şandin û me dest bi lêkolînê kir.”

Li gor ku jinik ragihandiye, akinciya nahiyeya Tekiyeyê ye û xwediya 5 zarokan e û gotiye, di navbera wê û zilamê wê de pirsgirêkek qewimiye û ji malê reviyaye, li qezaya Çemçemalê 5 lître benzîn kiriye û duhî di seat 20 de li Qerehencîrê li ber çavê xelkê benzîn bi xwe de kiriye û agir li xwe berdaye.

Rêvebirê polîsê Qerehencîrê her wiha anî ziman li gor rapora bijîşkan, ji%100-ê laşê wê şewitiye û ji ber ku rêjeya şewatê zêde ye ji nexweşxaneya Silêmaniyê re hatiye şandin.

Qezaya Çemçemalê ser bi parêzgeha Silêmaniyê ye.